काठमाडौं । प्रभु लाइफ इन्स्योरेन्सले चालु आर्थिक वर्षको तेस्रो त्रैमासमा १३ करोड ७८ लाख ३८ हजार रुपैयाँ नाफा कमाएको छ । कम्पनीले बिहीवार सार्वजनिक गरेको तेस्रो त्रैमासिक वित्तीय विवरणले यस्तो देखाएको हो ।
चालु आवको तेस्रो त्रैमासमा कम्पनीको नाफा १४८.३३ प्रतिशतले बढेको हो । गत वर्षको सोही अवधिमा कम्पनीले ५ करोड ५५ लाख ४ हजार रुपैयाँ खुद नाफा कमाएको थियो ।
यस वर्ष कम्पनीको कुल बीमा शुल्क आर्जन रकम १ अर्ब १३ करोड ९ लाख ९४ हजार रुपैयाँ रहेको छ । गत वर्षको सोही अवधिको तुलनमा कुल बीमा शुल्क आर्जन ११७.०४ प्रतिशतले बढी हो । गत वर्ष ५२ करोड १० लाख ९५ हजार रुपैयाँ शुल्क आर्जन गरेको थियो ।
कम्पनीको यस वर्ष कुल दावी भुक्तानी रकम ५३ लाख रुपैयाँ रहेको छ । भुक्तानी हुन बाँकी दावी रकम ७५ लाख रुपैयाँ रहेको छ ।
कम्पनीको चुक्तापूँजी २ अर्ब रुपैयाँ पुगेको छ । कम्पनीको जगेडा कोष रकम पनि यसवर्ष १३० प्रतिशत बढेर ३६ करोड ६० लाख ६४ हजार रुपैयाँ रहेको छ ।
जीवन बीमा कोष रकम १ अर्ब ७६ करोड ५८ लाख २ हजार रुपैयाँ पुगेको छ । कम्पनीले महाविपत्ती जगेडामा २ करोड २७ लाख ७१ हजार रुपैयाँ राखेको छ ।
तेस्रो त्रैमाससम्म कम्पनीको प्रतिसेयर आम्दानी ९ रुपैयाँ १९ पैसा र प्रतिसेयर नेटवर्थ ११८ रुपैयाँ ३० पैसा रहेको छ ।
वि.सं.२०७८ वैशाख २३ बिहीवार ०९:२६ मा प्रकाशित