काठमाडौं । साताको बिहीवार विभिन्न आठ कम्पनी सेयर मूल्य उच्च दरमा वृद्धि भएको छ । आज दुई कम्पनीको सेयर मूल्य १० प्रतिशतले बढको छ । बाँकी ६ कम्पनीको ९ प्रतिशतभन्दा धेरैले बढको छ ।
उक्त दिन जनउत्थान सामूदायिक लघुवित्त विकास बैंक र खानीखोला हाइड्रोपावरको सेयर मूल्य १० प्रतिशतले बढेको हो । प्रतिकित्ता २६१ रुपैयाँले वृद्धि भई जनउत्थान लघुवित्तको सेयर मूल्य ३ हजार ९७२ रुपैयाँ पुगेको छ । यस्तै, खानीखोला हाइड्रोपावरको १६५ रुपैयाँ पुगेको छ ।
बिहीवार पनि ९.९९ प्रतिशतले बढेको महिला लघुवित्तको सेयर मूल्य प्रतिकित्ता ५ हजार ३० रुपैयाँ पुगेको छ । यस्तै, आज समता घरेलु लघुवित्त वित्तीय संस्था, रुरु जलविद्युत परियोजना, युनियन हाइड्रोपावर र जोशी हाइड्रोपावर डेभलपमेन्ट कम्पनीको सेयर मूल्य ९ प्रतिशतभन्दा बढीले वृद्धि भएको हो ।
यी कम्पनीसहित आज लक्ष्मी बैंक, डिव्याश्वरी हाइड्रोपावर, रिधी हाइड्रोपावर, एचआईडीसीएल लगातका लगानीकर्ताहरुले कमाएका छन् ।
यस्तै, आज विशाल बजार कम्पनीको सेयर मूल्य नकरात्मक सर्किट लागेको छ । बिहीवार १० प्रतिशतले सेयर मूल्य घटेको उक्त कम्पनीको प्रतिकित्ता ६ हजार ७१६ रुयैयाँ पुगेको छ ।
उक्त दिन सिंगटी हाइड्रो इनर्जीको सेयर मूल्य पनि ९.०७ प्रतिशतले घटेको छ । यी दुई कम्पनीसहित आज नाङ्दी गु्रप पावर, सिनर्जी पावर, कालिका पावर, शिव श्री हाइड्रो, आशा लघुवित्त, युनिभर्सल पावर, हिमाल दोलखा हाइड्रोपावर लगायतको कम्पनीका लगानीकर्ताले गुमाएका छन् ।
वि.सं.२०७८ वैशाख २३ बिहीवार १६:३८ मा प्रकाशित