काठमाडौं । एनएमबि बैंकले २ अर्ब बराबरको २० लाख कित्ता ऋणपत्र विक्री गर्ने भएको छ । बैंकले जेठ २ गतेदेखि खुला उक्त ऋणपत्र बिक्री खुला गर्ने भएको हो ।
एक सूचना निकाल्दै बैंकले १० वर्षे अवधिको वार्षिक ८.५ प्रतिशत ब्याजदर भएको ‘एनएमबि ऋणपत्र ८.५–२०८७/८८’ नामको ऋणपत्र बिक्री गर्न लागेको जानकारी दिएको छ ।
प्रति ऋणपत्र १ हजार रुपैयाँ दरको कुल कित्ता ऋणपत्र मध्ये १२ लाख कित्ता व्यक्तिगत तवरबाट विभिन्न संघ÷संस्थाहरुलाई र ८ लाख कित्ता सर्वसाधारणमा बिक्री गर्नेछ ।
बिक्री प्रबन्धकमा सिद्धार्थ क्यापिटल रहेको छ । सर्वसाधारणका लागि छुट्याएको ८ लाखमध्ये ५ प्रतिशत दरको ४० लाख कित्ता सामूहिक लगानी कोषका लागि सुरक्षित गरी बाँकी ७ लाख ६० हजार कित्ता सार्वजनिक निष्कासनमा आउन लागेको हो । सार्वजनिक निष्कासनमा आउन लागेको ऋणपत्रका लागि मात्र आवेदन दिन सकिनेछ ।
यस ऋणपत्र खरीदका लागि छिटोमा जेठ ५ र ढिलोमा जेठ १६ गतेसम्म न्यूनतम २५ कित्तादेखि अधिकतम ८ लाखकित्तासम्म आवेदन दिन सकिने व्यवस्था छ ।
वि.सं.२०७८ वैशाख २४ शुक्रवार ०८:३५ मा प्रकाशित
