काठमाडौं । शुक्रवार नेपाली बजारमा सुनको मूल्य ह्वात्तै बढेको छ । आज एकैदिन तोलामा १ हजार १ सय रुपैयाँ वृद्धि भएको हो ।
अघिल्लो दिन अर्थात विहीबार प्रतितोला ९० हजार ६ सय रुपैयाँमा कारोबार भएको सुन आज बढेर ९१ हजार ७ सय रुपैयाँ पुगेको नेपाल सुनचाँदी व्यवसायी महासंघले जनाएको छ । आज तेजावी सुनको भाउ ९१ हजार २ सय रुपैयाँ कायम गरिएको छ ।
यस्तै, साताको अन्तिम कारोबार दिन चाँदीको मूल्य पनि उकालो लागेको छ । आज प्रतितोला ३५ रुपैयाँले वृद्धि भई १३ सय ५० रुपैयाँ पुगेको महासंघले जनाएको छ । अघिल्लो दिन १३ सय १५ रुपैयाँमा कारोबार भएको थियो ।
वि.सं.२०७८ वैशाख २४ शुक्रवार १०:४८ मा प्रकाशित