काठमाडौं । प्रुडेन्सियल इन्स्योरेन्स कम्पनीले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।
कम्पनीले तेस्रो त्रैमाससम्म १२ करोड ७३ लाख ११ हजार रुपैयाँ नाफा कमाएको छ । जुन गत वर्षको सोही अवधिको तुलनामा ४०.४९ प्रतिशतले बढी हो ।गत वर्षको सोही अवधिका कम्पनीले ९ करोड ६ लाख १३ हजार रुपैयाँ नाफा कमाएको थियो ।
कम्पनीको चुक्तपूँजी १ अर्ब २ करोड ६४ लाख ३२ हजार रुपैयाँ पुगेको छ । कम्पनीको जगेडा कोष रकम २६ करोड १४ लाख ५१ हजार रुपैया रहेको छ । बीमा कोष रकम ६० करोड ५ लाख ८६ हजार, महाविपत्ती जगेडामा ५ करोड ४६ लाख १४ हजार रुपैयाँ रहेको छ ।
कम्पनीले चालु आवको चैतमसान्तसम्म १ अर्ब ५ करोड ६८ लाख ७५ हजार रुपैयाँ कुल बीमाशुल्क आर्जन गरेको छ । गत वर्षको सोही अवधिमा ८२ करोड ५५ लाख ८५ हजार रुपैयाँ शुल्क आर्जन गरेको थियो ।
तेस्रो त्रैमाससम्म कम्पनीले ४८ करोड ४५ लाख ५९ हजार रुपैयाँ कुल दाबी भुक्तानी गरेको छ । कम्पनीको भुक्तानी हुन बाँकी रकम ४२ करोड ३३ लाख ३७ हजार रुपैयाँ देखिएको छ । यो संख्यामा भने २ हजार ५५१ रहेको छ ।
गत वर्ष ८९ हजार ५४ बीमालेख जारी गरेको कम्पनीले यस वर्ष १ लाख २७ हजार ४७३ बीमालेख जारी गरेको छ । कम्पनीको प्रतिसेयर आम्दानी १६ रुपैयाँ ५४ पैसा र प्रतिसेयर नेटवर्थ १८९ रुपैयाँ ३० पैसा रहेको छ ।
वि.सं.२०७८ वैशाख २४ शुक्रवार ११:२१ मा प्रकाशित
