काठमाडौं । डिप्रोक्स लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमासिक वित्तीय अवस्था सार्वजनिक गरेको छ । कम्पनीले तेस्रो त्रैमासमा ५१ करोड ८१ लाख ५५ हजार नाफा कमाएको छ ।
जुन गत वर्षको तेस्रो त्रैमासको सोही अवधिको तुलनामा ९६ प्रतिशतले बढी हो ।कम्पनीले गत आवको तेस्रो त्रैमासमा २६ करोड ४२ लाख ४१ हजार रुपैयाँ नाफा कमाएको थियो ।
कम्पनीको चुक्तापूँजी १ अर्ब १५ करोड ६२ लाख रुपैयाँ पुगेको छ । जगेडामा १ अर्ब १३ करोड ५५ लाख रुपैयाँ रहेको छ । कम्पनीले खराव कर्जा पनि घटाएको छ । गत आवको तेस्रो त्रैमासमा २.५८ प्रतिशतले रहेको खराव कर्जा घटाएर यस त्रैमासमा ०.५३ प्रतिशतमा झरेको छ ।
कम्पनीको प्रतिसेयर आम्दानी ५९ रुपैयाँ ९५ पैसा, प्रतिसेयर नेटवर्थ १९८ रुपैयाँ २१ पैसा रहेको छ । मूल्य आम्दानी अनुपात ३० दशमलव ८९ गुणा, तरलता अनुपात ६ दशमलव १७ प्रतिशत रहेको छ ।
वि.सं.२०७८ वैशाख २७ सोमवार १४:५२ मा प्रकाशित
