काठमाडौं । गुराँस लाइफ इन्स्योरेन्सले चालू आर्थिक वर्षको तेस्रो त्रैमासम्म १० करोड ४२ लाख ९३ हजार रुपैयाँ नाफा कमाएको छ ।बुधवार कम्पनीले सार्वजनिक गरेको वित्तीय अवस्थाले यस्तो देखाएको हो ।
गत वर्षको सोही अवधिको तुलनामा कम्पनीको नाफा २४.५१ प्रतिशतले बढी हो । गत वर्षको तेस्रो त्रैमासमा कम्पनीले ८ करोड ३७ लाख ६० हजार रुपैयाँ नाफा कमाएको थियो ।
चालु आवको तेस्रो त्रैमाससम्ममा कम्पनीको कुल बीमाशुल्क आर्जन १२२.६७ प्रतिशतले बढेको देखिएको छ । गत वर्षको सोही अवधिमा १ अर्ब ३६ करोड ९३ लाख १५ हजार रुपैयाँ कुल बीमाशुल्क आर्जन गरेको कम्पनीले यो वर्षको तेस्रो त्रैमासमा ३ अर्ब ४ करोड ९२ लाख ५४ हजार रुपैयाँ कुल बीमाशुल्क आर्जन गरेको छ ।
कम्पनीको कुल दावी भुक्तानी रकम ४६ करोड २६ लाख ३५ हजार रुपैयाँ रहेको छ । भुक्तानी हुन बाँकी दावी रकम २७ लाख ४९ हजार रुपैयाँ रहेको छ ।
कम्पनीको चुक्तापूँजी १ अर्ब ९७ करोड ५५ लाख ८५ हजार रुपैयाँ पुगेको छ । कम्पनीको जगेडा कोष रकम ५२ करोड ३१ लाख १४ हजार रुपैयाँ छ । यो गत वर्षभन्दा ४२.७९ प्रतिशतले बढी हो । गत वर्षको सोही अवधिमा कम्पनीको जगेडा कोष रकम ३६ करोड ६३ लाख ४३ हजार रुपैयाा रहेको थियो ।
कम्पनीको वार्षिक प्रतिसेयर आम्दानी ७ रुपैयाँ ०४ पैसा र प्रतिसेयर नेटवर्थ १२९ रुपैयाँ ३१ पैसा रहेको छ ।
वि.सं.२०७८ वैशाख २९ बुधवार ११:१९ मा प्रकाशित