काठमाडौं । नेपाल टेलिकमले चालु आर्थिक वर्षको तेस्रो त्रैमाससम्म ५ अर्ब ८८ करोड ४४ लाख ७२ हजार रुपैयाँ नाफा आर्जन गरेको छ । कम्पनीले बिहीवार सार्वजनिक गरेको वित्तीय अवस्थाको तथ्याङ्कले यस्तो देखिाएको हो ।
कम्पनीको नाफा गत वर्षको सोही अवधिको तुलनामा भने २२.२१ प्रतिशतले कमी हो । गत वर्षको तेस्रो त्रैमासमा कम्पनीले ७ अर्ब ५६ करोड ५५ लाख १५ हजार रुपैयाँ नाफा कमाएको थियो ।
कम्पनीको चुक्तापूँजी १५ अर्ब रुपैयाँ पुगेको छ । जगेडा कोष रकम ८२ अर्ब ९६ करोड ४९ लाख १४ हजार रुपैयाँ रहेको छ । कम्पनीको जगेडा कोष रकम पनि करीब ८ प्रतिशत बढेको छ । गत वर्षको सोही अवधिमा कम्पनीको जगेडा कोष रकम ७६ अर्ब ८४ करोड २१ लाख ८६ हजार रुपैयाँ रहेको थियो ।
कम्पनीको कुल चालु सम्पत्ति ६२ अर्ब ६ करोड २६ लाख रुपैयाँ र कुल चालू दायित्व रकम ३१ अर्ब ८६ करोड २४ लाख ७४ हजार रुपैयाँ छ ।
कम्पनीको प्रतिसेयर आम्दानी ५२ रुपैयाँ ३१ पैसा र प्रतिसेयर नेटवर्थ ६५३ रुपैयाँ १० पैसा रहेको छ ।
वि.सं.२०७८ वैशाख ३० बिहीवार ११:५१ मा प्रकाशित