काठमाडौं । ओरिएण्टल इन्स्यारेन्स कम्पनीले चालु आर्थिक वर्षको तेस्रो त्रैमासमा २५ करोड १२ लाख ११ हजार रुपैयाँ नाफा गरेको छ ।
कम्पनीले सार्वजनिक गरेको तेस्रो त्रैमासिक वित्तीय अवस्थाले यस्तो देखिाएको हो । कम्पनीको नाफा गत वर्षको सोही अवधिको तुलनामा ३२.५७ प्रतिशतले कम हो । गत वर्षको तेस्रो त्रैमासमा कम्पनीले ३७ करोड २५ लाख ५८ हजार रुपैयाँ नाफा कमाएको थियो ।
चैतमसान्तसम्ममा कम्पनीको कुल बीमाशुल्क आर्जन रकम ८४ करोड ३१ लाख २० हजार रुपैयाँ रहेको छ । गत वर्षको सोही अवधिको तुलनमा कम्पनीको बीमाशुल्क आर्जन ५. २३ प्रतिशतले बढेको हो । गत वर्षको तेस्रो तैमासमा ८० करोड ११ लाख ६२ हजार रुपैयाँ बीमाशुल्क आर्जन गरेको थियो ।
कम्पनीले चालु आवको तेस्रो त्रैमासमा ५० करोड १८ लाख ८३ हजार रुपैयाँ कुल दावी भुक्तानी गरेको छ । भुक्तानी हुन बाँकी दावी रकम ७१ करोड २५ लाख ८९ हजार रुपैयाँ देखिएको छ ।
कम्पनीको चुक्तपूँजी उल्लेख गरेको छैन । जगेडा तथा कोषमा ७ करोड ८८ लाख ६० हजार रुपैयाँ रहेको छ । बीमा कोषमा ९१ करोड ७६ लाख ८६ हजार रुपैयाँ रहेको छ ।
वि.सं.२०७८ जेठ २ आइतवार १३:२७ मा प्रकाशित