काठमाडौं । कोरोनाको महामारीमा पनि व्यवसाय सन्तोषजनक रुपमा गरेका जीवन बीमा कम्पनीले चालु आर्थिक वर्षको तेस्रो त्रैमासमा आईपुग्दा ३ अर्ब २० करोड ८८ लाख ४९ हजार रुपैयाँ पुगेको छ ।
यो भनेको गत आवको सोही अवधिको तुलनामा १९.०८ प्रतिशतले बढेको छ । गत आवको नौ महिनामा कम्पनीको नाफा २ अर्ब ६९ करोड ४६ लाख ६८ रुपैयाँ रहेको छ ।
चालु आवको नौ महिनामा सरकारी स्वामित्वमा रहेको राष्ट्रिय बीम संस्थान र यूनियन लाइफ इन्योरेन्सको नाफा घटेको छ । बाँकी सबै बीमा कम्पनीको नाफामा सुधार आएको छ ।
चैत मसान्तसम्म आइपुग्दा पुराना कम्पनीलाई नयाँले कम्पनीले नाफा बढोत्तरीमा चूनौती दिएका छन् । यो अवधिमा आईपुग्दा नाफा बढोत्तरी प्रतिशतको आधारमा हेर्दा प्रभु लाइफ इन्स्योरेन्स रहेको छ । यो अवधिमा आईपुग्दा इन्स्योरेन्सको नाफा १४८.३३ प्रतिशतले बढेको छ ।
रकमको आधारमा सदैव जस्तो नेपाल लाइफ इन्स्योरेन्स अग्रस्थानमा रहेको छ । नेपाल लाइफको नाफा ८.३६ प्रतिशतले बढेर ५० करोड ६६ लाख ६८ हजार रुपैयाँ नाफा आर्जन गरेको छ ।
यस्तै दोस्रो स्थानमा नेशनल लाइफ इन्स्योरेन्स रहेको छ । इन्स्योरेन्सको नाफा २.२० प्रतिशतले बढेर ३२ करोड २५ लाख ७० हजार रुपैयाँ पुगेको छ । यता सुर्या लाइफको नाफा ५५.८८ प्रतिशतले बढेर २९ करोड १० लाख ३५ हजार रुपैयाँ पुगेको छ ।
यो अवधिमा सबैभन्दा थोरै नाफा राष्ट्रिय बीमा संस्थानको रहेको छ । यो अवधिमा कम्पनीको नाफा ४ करोड ८६ लाख २८ हजार रुपैयाँ रहेको छ । संस्थानको नाफा गत आवको सोही अवधिको तुलनामा १.४४ प्रतिशतले घटेको हो ।
गत आवको सोही अवधिमा ४ करोड ९३ लाख ३७ हजार रुपैयाँ रहेको थियो । यद्यपी बीमाङ्कीय मूल्याङ्कनमा जीवन बीमा कम्पनीको नाफा भने घटबढ हुन सक्छ ।
वि.सं.२०७८ जेठ ५ बुधवार १५:२९ मा प्रकाशित