काठमाडौं । हाइड्रोइलेक्ट्रीसिटी इन्भेष्टमेन्ट एण्ड डेभलपमेण्ट कम्पनी (एचआईडीसीएल) ले ११ अर्ब रुपैयाँको ११ करोड कित्ता हकप्रद सेयर निष्काशन गर्ने भएको छ ।
कम्पनीले उक्त हकप्रद सेयर निष्कासन प्रयोजनको लागि जेठ २८ गते बुक क्लोज गर्ने भएको छ । सोमबार एक सूचना निकाल्दै कम्पनीले शतप्रतिशत हकप्रद सेयर निष्कासन गर्नका लागि बुक क्लोज गर्ने भएको हो ।
आगामी जेठ २७ गतेसम्म कायम सेयर रधनीले उक्त हकप्रद सेयरमा आवेदन दिन सक्नेछन् । बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
कम्पनीले हकप्रद सेयर निष्कासन गर्न नियामक निकाय नेपाल धितोपत्र बोर्डबाट गत जेठ ९ गते अनुमति पाएको थियो ।
वि.सं.२०७८ जेठ १७ सोमवार ११:४६ मा प्रकाशित