काठमाडौं । भौतिक पूर्वाधार तथा यातायात मन्त्री वसन्त कुमार नेम्वाङले राज्यले ऋण लिएर पपुलर काम गर्न नहुने तर विकास निर्माणको काममा खर्च गर्न हुने बताउनु भएको छ ।
मन्त्रालयमा आयोजित पत्रकार सम्मेलनम उहाँले यस्तो बताउनु भएको हो । उहाँका अुनसार राज्यले ऋण लिएर देश विकास गर्न खुुटा कमाउनु नहुने तर ऋण लिएर सामाजिक सुरक्षा, अन्य खालका भत्ता दिन नहुने बताउनुभयो ।
भारत,चीन, अमेरिका जस्ता देशले ऋण लिएर विकास निर्माणमा खर्च गर्दा नेपालले पनि विकास निर्माणको लागि खर्च गर्दा कुनै समस्या नहुने बताउनुभयो । राज्यले रेलमार्ग, ठुला पूर्वाधारका आयोजना बनाउने हो भने ऋण लिन डराउन नहुने बताउनुभयो । कार्यक्रममा उहाँले आगामी आवको लागि बजेटमा उल्लेख भएका कार्ययोजना कार्यान्वयन गर्नको लागि अर्थ मन्त्रालयमा जानकारी गराएको बताउनुभयो ।
उहाँले चालु आवमा काठमाडौंमा धेरै पुल लगायतका भौतिक पूर्वाधार निर्माण गरेको जानकरी गराउनुभयो ।
उहाँले चालु आवको बजेटमा अहिलेसम्म ४४ प्रतिशत खर्च भएको उहाँको भनाइ छ । लकडाउन सहज हुने हो भने ५० प्रतिशत कट्ने उहाँको आंकलन छ ।
मन्त्रालयका सचिव रविन्द्रनाथ श्रेष्ठले यो वर्ष ५० र अर्को वर्ष १०० वटा विद्युतीय बस किन्ने सरकारको तयारी रहेको बताउनुभयो । उहाँका अनुसार एकै पटक धेरै बस किन्दा चार्जको कारण चाँडै पुुरानो हुने गरेका कारण अलि अलि गरेर किन्न लागेको बताउनुभयो ।
उहाँले नेपाल र भारतको बोर्डर खुुलेको २० दिनमा रेल चल्ने बताउनुभयो । कर्मचारीलाई १० दिन भारतीय आएर तालिम दिएपनि चल्न समस्या नहुने बताउनुभयो ।
उहाँले चैतदेखि भएको कामको भुक्तानी असारमा मात्रै दिने भएका कारण असारमा मात्रै बजेट खर्च भएको जस्तो देखिएको बताउनुभयो । मन्त्रालयले चैत देखी भएको कामको पैसा रोकेर राखेको र चैतमा गरेको कामको निकासी दिन ७ अर्ब निकासी अर्थमा मागेको बताउनुभयो ।
वि.सं.२०७८ जेठ १९ बुधवार १७:०४ मा प्रकाशित
