काठमाडौं । खानीखोला हाइड्रोपावर कम्पनीले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ । वित्तीय विवरण सार्वजनिक नगरेको भन्दै नेपाल स्टक एक्सचेञ्ज(नेप्से)ले कारोबार रोक्का गरेको थियो ।
कारोबार रोक्का भएपछि कम्पनीले वित्तीय विवरण सार्वजनिक गरेको हो । वित्तीय अवस्था सार्वजनिक नगरेपछि लगानीका लागि लगानीकर्तामा अन्योलता छाएको थियो ।
तेस्रो त्रैमासम्म कम्पनी ९ करोड ९० लाख ५७ हजार रुपैयाँ नोक्सानीमा रहेको छ । गत वर्षको तुलनामा भने नोक्सानी कमी देखिएको छ । कम्पनीले गत वर्षको सोही अवधिमा पनि १० करोड १२ लाख २६ हजार रुपैयाँ नोक्सानीमा रहेको थियो ।
कम्पनीको विद्युत बिक्ती आम्दानी भने बढेको छ । गत वर्षको तेस्रो त्रैमासम्म ५६ लाख ६७ हजार रुपैयाँ आम्दानी गरेको कम्पनीले यो वर्षको सोही अवधिमा ७ करोड २६ लाख १२ हजार रुपैयाँ आम्दानी गरेको छ ।
कम्पनीको चुक्तापुँजी ४६ करोठड ५७ लाख १४ हजार रुपैयाँ रहेको छ । जगेडा कोष रकम ६६ करोड २० लाख १ हजार रुपैयाँ ऋणात्मक देखिएको छ ।
कम्पनीको प्रतिसेयर आम्दानी २१ रुपैयाँ २७ पैसा, र प्रतिसेयर नेटवर्थ २९ रुपैयाँ ४१ पैसा ऋणात्मक रहेको छ ।
वि.सं.२०७८ जेठ २३ आइतवार ११:१० मा प्रकाशित
