काठमाडौं । बीमा समितिले ‘संस्थागत बीमा अभिकर्ता सम्बन्धी निर्देशिका, २०७८’ जारी गरेको छ । समितिले जारी गरेको निर्देशिकामा संस्थागत अभिकर्तालाई लाइसेन्स दिन सक्ने व्यवस्था गरिएको छ ।
निर्देशिकामा यसकाे लागि संस्थागत अभिकर्ताको लाइसेन्स लिँदा मुख्य वा प्रमुख व्यवस्थापकहरुमध्ये कम्तिमा एक जनाले समिति वा बीमा कम्पनीहरुबाट सञ्चालन गरेको अभिकर्ता तालिमममा सहभागरी भई प्रमाणपत्र लिएको हुनुपर्ने छ ।
अभिकर्ताको सञ्चालक, मुख्य वा प्रमुख व्यवस्थापकले कम्तिमा एस.ई .ई वा सो सरहको परीक्षा उत्तिर्ण गरेको हुनु पर्नेछ । संस्थागत अभिकर्ताको प्रबन्धपत्र नियमावली वा विधानमा कुन किसिमको बीमा अभिकर्ता भई कार्य गर्ने हो त्यस विषयमा उल्लेख गनुपर्ने छ ।
संस्थागत अभिकर्ताको लाइसेन्स लिन चाहने संस्थाले अघिल्लो आर्थिक वर्षको कर चुक्ता प्रमाणपत्र, लेखापरिक्षण प्रतिवेदन गरेको हुनुपर्ने छ । अभिकर्ताले विद्युतीय प्रणालीबाट बीमा शुल्क संकलन गरी बीमा कम्पनीलाई भुक्तानी गर्न पाउने छन् । अभिकर्ताले बीमितलाई बीमालेखमा उल्लेखित सम्पुर्ण शर्त एवं सुविधाबारे पुर्ण रुपमा जानकारी गराउनु पर्नेछ ।
वि.सं.२०७८ जेठ २६ बुधवार २०:०२ मा प्रकाशित
