काठमाडौं । कारोबार फुकुवा भएकै दिन खानी खाला हाइड्रोपावर कम्पनीको सेयर मूल्यमा सकरात्मक सर्किट लागेको छ । साताको दोस्रो कारोबार दिन कम्पनीको सेयर मूल्य १० प्रतिशतले वृद्धि भएको हो ।
सकरात्मक सर्किट लागेपछि कम्पनीको सेयर मूल्य आज २७५ रुपैयाँ पुगेको छ । आज कम्पनीको सेयर मूल्य प्रतिकित्ता २५ रुपैयाँले वृद्धि भएको हो ।
उक्त दिन कम्पनीको ३७ लाख ५८ हजार २७४ रुपैयाँ बराबरको सेयर कारोबार भएको छ । कम्पनीको सोमबार १३ हजार ६९२ कित्ता सेयर खरिदबिक्री भएको हो ।
नेपाल स्टक एक्सचेञ्ज(नेप्से)ले गत जेठ २० गतेदेखि रोक्का रहेको कम्पनीको सेयर कारोबार आजदेखि फुकुवा भएको हो । नेप्सेले उक्त कम्पनीले वित्तीय विवरणहरु पेश नगरेको भन्दै कारोबार रोक्का गरेको थियो ।
कम्पनीले गत जेठ २६ गते कम्पनीको लगइनबाट नेप्सेको वेबसाइटमा लगानीकर्ता र सरोकारवाला निकायहरुले अध्ययन गर्न सक्ने गरी अपलोड गरेकाले नेप्सेले कारोबार फुकुवा गर्ने निर्णय गरेको हो ।
कम्पनीले आगामी दिनमा समयमै वित्तीय विवरण पेश गर्ने प्रतिवद्धता सहितको पत्र नेप्सेमा पठाएकाले समयमै वित्तीय विवरण अपलोड गर्न सचेत गराउँदै कारोबार फुकुवा गर्ने निर्णय गरेको हो ।
कम्पनीले जेठ २३ गते चालू आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको थियो ।
वि.सं.२०७८ जेठ ३१ सोमवार १५:३८ मा प्रकाशित