काठमाडौं । बागमती प्रदेशले अन्तर सरकारी वित्तीय हस्तान्तरण अन्तर्गत प्रदेशका स्थानीय तहलाई ७ अर्ब ५० करोड ५६ लाख ४१ हजार रुपैयाँ विनियोजन गरेको छ ।
जसमा समपुरक तर्फ २ अर्ब ९१ करोड ८१ लाख ७९ हजार, विशेष अनुदान तर्फ ४२ करोड ४३ लाख ५० हजार, सशर्त अनुदान तर्फ २ अर्ब ६६ करोड ३१ लाख १२ हजार र वित्तीय समानीकरण अनुदानतर्फ १ अर्ब ५० करोड रुपैयाँ रहेको छ ।
उक्त रकममा महानगरपालिकाको लागि ३८ करोड ८९ लाख ५६ हजार, उप-महानगरपालिकाको लागि ११ करोड ६६ लाख ९६ हजार, नगरपालिकाको लागि ३ अर्ब ७ करोड ८ लाख ४७ हजार र गाँउपालिकाको लागि ३ अर्ब ९२ करोड ९१ लाख ४२ हजार रुपैयाँ रहेको छ ।
बागमती प्रदेशको आर्थिक मामिला तथा योजना मन्त्रालयका अनुसार महानगरपालिका तर्फ सपुरक अनुदानमा ३ करोड ९९ लाख ४६ हजार, सशर्त अनुदानतर्फ १७ करोड १७ लाख ३८ हजार र वित्तीय समानीकरण अनुदान तर्फ १७ करोड ७२ लाख ७२ हजार रहेको छ ।
मन्त्रालयका अनुसार उप-महानगरपालिकाको लागि समपुरकतर्फ ३ करोड सशर्त अनुदानमा ५ करोड ६८ लाख २९ हजार र वित्तीय समानीकरण अनुदानका लागि भन्दै २ करोड ९८ लाख ६७ हजार रुपैयाँ रहेको छ ।
यस्तै नगरपालिकाको लागि समपुरक अनुदानतर्फ १ अर्ब १७ करोड ९१ लाख ८२ हजार, विशेष अनुदानतर्फ १४ करोड ८९ लाख, सशर्त अनुदानतर्फ १ अर्ब १० करोड ८ लाख ८ हजार र वित्तीय समानीकरण अनुदानतर्फ ६४ करोड १९ लाख ५७ हजार रुपैयाँ रहेको छ ।
गाँउपालिकाको लागि समपुरक अनुदानतर्फ १ अर्ब ६६ करोड ९० लाख ५१ हजार, विशेष अनुदानतर्फ २७ करोड ५४ लाख ५० हजार रुपैयाँ र सशर्त अनुदानतर्फ १ अर्ब ३३ करोड ३७ लाख ३७ हजार तथा वित्तीय समानीकरण अनुदानतर्फ ६५ करोड ९ लाख ४ हजार रुपैयाँ बजेट विनियोजन गरिएको छ ।
पूर्ण विवरण हेर्न यहाँ क्लिक
वि.सं.२०७८ असार ४ शुक्रवार १९:३३ मा प्रकाशित