काठमाडौं । सरकाले अब उपत्यकामा जारी निषेधाज्ञालाई केही खुकुलो बनाउने तथा असार दोस्रो साताबाट स्मार्ट लकडाउन गर्ने तयारी गरेको छ ।
काठमाडौं, ललितपुर र भक्तपुरका प्रमुख जिल्ला अधिकारीको बैठकले सोमबार निर्णय गर्ने र मंगलबारदेखि लागु हुने गरी निषेधाज्ञा केही सहज बनाउन लागेको हो । काठमाडौंका प्रमुख जिल्ला अधिकारी कालीप्रसाद पराजुलीका अनुसार मोडालिटीबारे अझै टुंगो लागेको छै ।
अब समय मिलाएर केही पसलहरु खोल्न दिने तयारी रहेको बताइएको छ । अब यसअघि कायम रहेका किराना, खाद्यान्न, तरकारी तथा फलफूल पसल, हार्डवेडर पसल एंव पुस्तक तथा स्टेसनरी पसललाई निरन्तरता दिँदै मल तथा खाद्य पसल, कृषीजन्य बिउ बिजनका पसल लगायत संचालन गर्ने तयारी रहेको छ । यसको लागि स्वास्थ्यका मापदण्ड पालना गर्नुपर्ने छ ।
सवारी साधन संचालनका गर्ने विषयमा पनि छलफल भइरहेको छ । त्यसको लागि जोर विजोर प्रणालीको अबलम्बन गरिने भएको छ । सडकमा एकैपटक धेरै भिड नहोस भनेर यो मोडल अपनाउने तयारी भइरहेको छ । होटलहरु खुला राख्न नपाउने तर टेकअवे गर्न भने दिने विषयमा पनि छलफल भइरहेको छ ।
वि.सं.२०७८ असार ६ आइतवार १२:१० मा प्रकाशित