काठमाडौं । एनआईसी एशिया बैंकको स्वामित्वमा रहेको नेशनल लाइफ इन्स्योरेन्स कम्पनीको संस्थापमक सेयर आजदेखि लिलामीमा आएको छ ।
कम्पनीले प्रतिकित्ता न्युनतम मूल्य ४४४ रुपैयाँ रहेको ४० हजार ६९६ कित्ता संस्थापक सेयर लिलामीमा ल्याएको हो ।
सेयर खरिदका लागि प्रचलित कानून बमोजिम योग्य लगानीकर्ताहरुले असार ११ गतेभित्र आफूले लिन चाहेको दर भाउमा गोप्य शिलबन्दी बोलपत्र आवेदन पेश गर्नृ सकिने कम्पनीले जनाएको छ ।
सेयर खरीदका लागि बोलकबोल गर्दा तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्नेछ । कम्पनीको न्यूनतम १०० कित्तादेखि आवेदन दिन सकिनेछ । अधिकतम कित्ताका लागि भने कुनै हद तोकिएको छैन् ।
सेयर बिक्री प्रवन्धकमा एनआईसी एशिया क्यापिटल लिमिटेड रहेको छ ।
आवेदन दिन एनआईसी एशिया बैंकको कर्पोरेट कार्यालय र विराटनगर, वीरगंज, पोखरा, बुटवल, धनगढी र सुर्खेत शाखा कार्यालयहरुबा पनि बोलपत्र आवेदन बुझाउन सकिने बताइएको छ ।
वि.सं.२०७८ असार ६ आइतवार १२:१४ मा प्रकाशित