काठमाडौं । एनआईसी एशिया बैंकको स्वामित्वमा रहेको आरएमडीसी लघुवित्त वित्तीय संस्थाको संस्थापक सेयर आजदेखि लिलामीमा आएको छ ।
कम्पनीले प्रतिकित्ता न्युनतम मूल्य ४७७ रुपैयाँ रहेको ३ लाख ८६ हजार १९५ कित्ता संस्थापक सेयर लिलामीमा ल्याएको हो ।
सेयर खरिदका लागि प्रचलित कानून बमोजिम योग्य लगानीकर्ताहरुले असार ११ गतेभित्र आफूले लिन चाहेको दर भाउमा गोप्य शिलबन्दी बोलपत्र आवेदन पेश गर्न सकिने कम्पनीले जनाएको छ ।
सेयर खरीदका लागि बोलकबोल गर्दा तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्नेछ ।कम्पनीको न्यूनतम १०० कित्तादेखि आवेदन दिन सकिनेछ ।
अधिकतम कित्ताका लागि भने कुनै हद तोकिएको छैन् । सेयर बिक्री प्रवन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ असार ६ आइतवार १२:३७ मा प्रकाशित