काठमाडौं । चालु आर्थिक वर्षको १० महिनासम्म आईपुग्दा कुल बीमालेख सख्यां अघिल्लो आवको सोही अवधिमा ८.८ प्रतिशतले बढेको छ ।
अर्थ मन्त्रालयका अुनसार बीमालेख संख्या ८.८ प्रतिशतले बढेर १ करोड ७ लाख ७९ हजार १७२ पुगेको छ । जसमा जीवन बीमालेख र निर्जीबन बीमा लेख क्रमशः ७७.९ र २२.१ प्रतिशत रहेको छ ।
अघिल्लो वैशाखमा यस्तो हिस्सा क्रमशः ८२.३ र १७.७ प्रतिशत रहेको थियो । चालु आर्थिक वर्षमा वैदेशिक रोजगार बीमालेख संख्यामा भने १९.७ प्रतिशतले घटेको छ । १० महिनाको अवधिमा बीमा प्रिमियम संकलन अघिल्लो वर्षको तुलनामा ४४.७ प्रतिशतले बढेर १ खर्ब २३ अर्ब ५१ करोड रुपैयाँ पुगेको छ । अघिल्लो आवको सोह अवधिको यस्तो संकलन ८३ अर्ब ६२ करोड रहेको थियो ।
यस्तै बीमा प्रिमियम संकलनमा जीवन बीमा कम्पनीको हिस्सा ८०.१ र निर्जीबनको १९.९ प्रतिशत रहेको छ । अघिल्लो आवको सोही अवधीमा जीवनको ७५.४ र निर्जीबनको २४.६ प्रतिशत र।हेको थियो ।
वि.सं.२०७८ असार ६ आइतवार १४:५२ मा प्रकाशित
