काठमाडौं । नेपालमा शुक्रबार थप २ हजार २९९ जनामा कोरोना संक्रमण पुष्टि भएको छ । पछिल्लो २४ घण्टाको अवधिमा थप ३ हजार ४५१ जना संक्रमण मुक्त भएका छन् ।
स्वास्थ्य तथा जनसंख्या मन्त्रालयका अनुसार २४ घण्टामा थप ३४ जनाको कोरोना संक्रमणबाट मृत्यू भएको जानकारी गराएको छ ।
हालसम्म नेपालमा कुल ६ लाख ४२ हजार ५३ जनामा संक्रमण पुष्टि भएको छ । जसमध्ये ६ लाख ३ हजार ६ जना निको भएका छन् । मन्त्रालयका अनुसार अहिले सक्रिय संक्रमितको संख्या २९ हजार २७४ रहेको छ ।
कोरोनाका कारण नेपालमा हालसम्म कुल ९ हजार १७९ जनाको ज्यान गएको छ ।
वि.सं.२०७८ असार १८ शुक्रवार १७:१४ मा प्रकाशित
