काठमाडौं । उपप्रधान तथा गृहमन्त्री बिष्णु प्रसाद पौडेलले बाढी पहिरोका कारण विभिन्न जिल्लाका २५ वटा जलविद्युत आयोजनामा क्षति पुगेको बताउनु भएको छ ।
राष्ट्रिय सभाको बैठकमा उहाँले यस्तो बनाउनु भएको हो । मन्त्री पौडेलका अुनसार सिन्धुपाल्चोक, कास्की, लमजुङ, मनाङ लगायत विभिन्न जिल्लाका साना ठूला गरी २५ जलविद्युत आयोजनामा आंशिक क्षती पुगेको छ ।
उहाँका अनुसार बाढी कारण मनाङको बेसिसहर सडक, अरनिको राजमार्ग, बाजुराको मार्तडि-कोल्टी सडक र कुलेखानीको विभिन्न स्थानमा अवरुद्ध सडक सुचारु गर्ने क्रम रहेको बताउनुभयो ।
उहाँले सिन्धुपाल्चोक, मनाङ, लमजुङ, कास्की, गोरखा, खोटाङ, सर्लाही लगायतका जिल्लाका ५०५ नीजि घर पूर्ण क्षति भएका छन भने ११२ घरमा आशिंक क्षति भएको छ । यस्तै विभिन्न ३६ सरकारी कार्यालयका भवनमा क्षति पुगेको उहाँको भनाई छ । ९ विद्यालय तथा सामुदायिक भवनमा क्षति पुगेको छ ।
सिन्धुपाल्चोकका ७, मनाङ २, तनहु १, चितवन २, मोरङ १, उदयपुरमा १ र सिरहामा १ सहित १५ वटा मोटरेबल पक्की पुलमा क्षती पुगेको उहाँको भनाई छ । यस्तै २३ वटा झोलुङगे पुलमा क्षति भएको छ । यसको पुननिर्माण भइरहेको पौडेलेको भनाई छ ।
यस्तै मेलम्ची आयोजनाको हेडक्ससम्म जाने पुलमा क्षती भएकाले तत्कालै २ वटा बेलिब्रिज बनाउने तयारी भएको उहाँको भनाई छ । आयोजनाको पूर्वाधार, सडक तथा आयोजनाको हेडक्समा पुगेको क्षतिको यकिन गरी मर्मत सम्भारको काम हुने जानकारी गराउनुभयो । अहिले ४३ वटा खानेपानी आयोजनामा क्षती पुगेको उहाँको भनाई छ ।
वि.सं.२०७८ असार २० आइतवार १३:२२ मा प्रकाशित