काठमाडौं । मेरो माइक्रोफाइनान्स लघुवित्त वित्तीय संस्थाको संस्थापक समूहको सेयर आजदेखि लिलामी आएको छ ।
एनआईसी एशिया बैंकको स्वामित्वमा रहेको ५६ हजार ८३८ कित्ता संस्थापक कम्पनीले आजदेखि लिलामीमा बिक्री गर्न लागेको हो ।
प्रतिकित्ता न्यूनतम मूल्य ५३४ रुपैयाँ तोकिएको उक्त सेयरमा असार ३१ गते कार्यालय समयभित्र गोप्य शिलबन्दी बोलपत्र आवेदन पेश गर्न सकिने कम्पनीले जनाएको छ ।
उक्त सेयर खरिदका लागि तोकिएको न्यूनतम मूल्य भन्दा बढी अंकित गरि आवेदन दिनुपर्नेछ । सेयर खरिदका लागि बोलकबोल गर्दा न्यूनतम १ सय कित्ताका लागि आवेदन दिनुपर्ने छ भने अधिकतम सम्पूर्ण कित्ताका लागि दिन सकिने कम्पनीले जनाएको छ ।
बिक्री प्रबन्धकमा एनआईसी एयिशा क्यापिटल लिमिटेड रहेको छ ।
वि.सं.२०७८ असार २७ आइतवार १२:५५ मा प्रकाशित