काठमाडौं । बागमती प्रदेश सभाको बजेट बहुमतले पारित भएको छ । असार १ गते सरकारले प्रदेश सभामा प्रस्ताब गरेको बजेटमाथि लगातार अबरोध गरेपनि आइतबार बजेट पारित भएको छ ।
सत्तापक्षका सांसद एकजुट हुँदा बागमती प्रदेश सभाको बजेट बहुमतले पारित भएको छ । निती कार्यक्रम र बजेट पास गर्न एमालेका बहुमत सांसदहरु एक भएका छन् । सत्तापक्ष एक नहुँदा बजेटमाथि छलफल अघि बढ्न सकेको थिएन । एमाले भित्रको विवाद मिलेपछि मात्रै बजेटमाथि छलफल प्रकृया अघि बढाईएको थियो । बजेट पास गराउन प्रमुख प्रतिपक्ष दलका नेता शालीकराम जम्मकट्टेल र नेपाली कांग्रेसका नेता इन्द्र बानियाँले हिस्सा लिएको भन्दै प्रतिपक्ष दलभित्र विवाद सुरु भएको छ ।
प्रमुख प्रतिपक्ष दलको उपनेता कुमारी मुक्तान र नेपाली कांग्रेसका जीवन डंगोल आइतबारको प्रदेश सभा बैठकमै अनुपस्थित रहेका थिए । डंगोल कांग्रेसभित्र बानियाँसंग संसदीय दलका नेतामा प्रतिस्पर्धा गरेका कांग्रेसका प्रदेश सभा सदस्य हुन् । पार्टीभित्रको असन्तुष्टीका बिच प्रदेश सभा बैठक अघि बढाउन कार्यव्यवस्था परामर्श समितीमा सहभागीता जनाई सहमती गरेका विपक्ष दलका नेता विद्युत लाईन नभएको भन्दै बैठकबाट बाहीरिएका थिए ।
सभामुखले ५ मिनेटपछि पुनः बैठक सुरु हुने बताईरहँदा प्रमुख प्रतिपक्ष दलका नेता र कांग्रस संसदीय दलका नेता संसद बैठक अबरुद्ध नगरि बाहीरिएपछि सत्तापक्षलाई बजेट पास गर्न सहज अवस्था बनेको थियो । बिद्युतीय बस खरिद प्रकृया रोक्न र सुरुङ मार्गमा बजेट नराख्न माग गदै आएका प्रतिपक्ष दलले बैठक स्थगित नगरी सुचारु हुन दिएर सरकारलाई सहयोग गरेका छन् ।
वि.सं.२०७८ असार २८ सोमवार ११:१० मा प्रकाशित