काठमाडौं । ज्योति विकास बैंक र नेपाल एशोसियेसन अफ टूर एण्ड ट्राभल एजेन्ट्स(नाटा) बीच सम्झौता भएको छ ।
नाटाको वार्षिक साधारणसभाको अवसरमा संस्थामा आबद्ध व्यवसायी र त्यस्ता संस्थामा कार्यरत कर्मचारीहरुलाई विभिन्न बैंकिङ्ग सेवा प्रदान गराउने सम्बन्धमा दुई पक्षबीच सम्झौता भएको हो ।
सम्झौतापत्रमा बैंकका तर्फबाट नायव प्रमुख कार्यकारी अधिकृत पारसराज कंडेल र नाटाका अध्यक्ष अच्युत गुरागाईले सम्झौता पत्रमा हस्ताक्षर गर्नुभएको थियो ।
बैंककाले नाटामा आवद्ध व्यवसायी तथा त्यस संस्थामा कार्यारत कर्मचारीहरुलाई विशेष छुटमा प्रोफेसनल लोन, कर्जा सेवा तथा सहज वित्तीय सेवाहरुलाई प्रदान गर्ने छ । साथै बैंकले नाटा अन्तर्गतका व्यवसायीहरुलाई डिजिटल बैंकिङ्ग सेवाहरु प्रदान गर्नेछ ।
साथै बैंकले महासंघ अन्तर्गतका व्यवसायीहरुलाई डिजिटल बैंकिंग सेवाहरु प्रदान गर्ने र सहजै सुचारु गरि व्यवसायमा लागू गर्न पनि सहयोग गर्नेछ । व्यवसायीहरुले डिजिटल भुक्तानीका सेवा आफ्नो व्यवसायमा भित्र्याई ग्राहकहरूलाई थप सुविधा उपलब्ध गराउन सक्नेछन् ।
यसका साथै बैंकले आधुनिक बैंकिङ्ग, वित्तिय साक्षरता,उद्यमशीलता विकासका निमित्त महासंघसंगको सहकार्यमा विभिन्न कार्यक्रमहरु संचालनमा ल्याउने भएको छ ।
वि.सं.२०७८ असार ३० बुधवार १४:१६ मा प्रकाशित
