काठमाडौं । नेपालमा पछिल्लो २४ घण्टाको अवधिमा थप २ हजार १० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १३ हजार २४ जनाको पीसीआर र एन्टीजेन परीक्षण गर्दा उक्त संख्यामा संक्रमण पुष्टि भएको हो ।
योसंगै नेपालमा कुल संक्रमितको संख्या ६ लाख ६० हजार ७८८ पुगेको छ । अहिले २६ हजार ६४७ जना संक्रिय संक्रमित रहेको मन्त्रालयले जनाएको छ ।
२४ घण्टाको अवधिमा १ हजार ६०६ जना कोरोना संक्रमणमुक्त भएको मन्त्रालयले जनाएको छ । हालसम्म कोरोना संक्रमणमुक्त हुनेको कुल संख्या ६ लाख २४ हजार ७११ पुगेको छ ।
मन्त्रालयका अनुसार २४ घण्टामा थप १८ जनाको मृत्यु भएको छ । कोरोनाका कारण नेपाल मृत्यु हुनेको संख्या ९ हजार ४३० पुगेको छ ।
वि.सं.२०७८ असार ३० बुधवार १७:१७ मा प्रकाशित
