काठमाडौं । सिभिल बैंकले नयाँ आर्थिक वर्षको पहिला दिन बचतमा अहिलेसम्मकै धेरै ब्याज पाइने दुई बचत खाता सञ्चालनमा ल्याएको छ ।
बैंकले बचतमा अहिलेसम्म कै बढी ६.०१ ब्याज दिने सूपर प्रिमियम बचत खाता र ७.०१ प्रतिशत ब्याज पाइने खुत्रुके बचत सञ्चालनमा ल्याएको छ ।
६.०१ प्रतिशत ब्याज पाइने सुपर प्रिमियम बचत खातामा विभिन्न ६ वटा घातक बीमा पनि रहेको छ । मेट लाइफसँगको सहकार्यमा बीमा योजना समेत समावेश गरिएको छ । यो खाता १८ देखी ५८ वर्ष उमेरका व्यक्तिले खोल्न सक्नेछन् । यसमा न्यूनतम २५ हजार रुपैयाँ हुनुपर्ने छ ।
यस्तै खुत्रुके बचतमा ७.०१ प्रतिशत ब्याज पाइने छ । २ देखी १० वर्षको लागि खाता खोल्नुपर्ने छ । यो खातामा न्यूनतम ५०० रुपैयाँ पैसा हुुनुपर्ने छ । यो खातामा संचित रकमको ७० प्रतिशतसम्म कर्जा पाइने छ । त्यसको लागि हालतको ब्याजमा २ प्रतिशत थप हुनेछ । यी खाता साउनसम्म खोल्नुपर्ने छ ।
वि.सं.२०७८ साउन १ शुक्रवार ११:२१ मा प्रकाशित