काठमाडौं । अर्थमन्त्री जनार्दन शर्माले अर्थतन्त्रको वास्तविक जानकारी दिन स्वेत पत्र ल्याउने बताउनु भएको छ ।
शुक्रबार मन्त्रालयमा आयोजित पत्रकार सम्मेलनमा उहाँले यस्तो बताउनु भएको हो । मन्त्री शर्माले अर्थतन्त्रको वास्तविकता जानकारी गराउन श्वेत पत्र आवश्यक भएको धारणा राख्नुभयो ।
स्वेतपत्रले अर्थतन्त्रलाई कता जाने संकेत गरेको छ, त्यसको जानकारी केही दिनमा नै सरकारले सार्वजनिक गर्ने जानकारी गराउनुभयो । उहाँले गत आवमा कतै कमी कमजोरी भएको खण्डमा त्यसलाई कसरी सच्याउन सकिन्छ भन्ने तर्फ पनि काम भइरहेको जानकारी गराउनु भयो । यसअघि देखिएको समस्या समाधानको लागि अध्ययन जारी गरेको बताउनुभयो ।
बजेट सदनको विषय भएको कारण सदनमा टेबुल गरेपछि सदनले स्वीकार, अस्वीकार जे गर्छ त्यही अनुसार अघि बढने बताउनुभयो । चुनौतीको घडीमा आफू मन्त्रालयमा आएको दाबी गर्नुभयो । आफूले भर्खरै अध्ययन सुरु गरेको जानकारी गराउनुभयो ।
अहिले मौद्रिक नीतिको छलफलमा जुटेको र त्यहाँ धेरै पक्षबाट मागहरु आएको जानकारी गराउनु भयो ।
वि.सं.२०७८ साउन १ शुक्रवार १३:३४ मा प्रकाशित