काठमाडौं । श्रम, रोजगार र सामाजिक सुरक्षा मन्त्रालयले प्रधानमन्त्री रोजगार कार्यक्रम (पीएमईपी) का लागि ७५३ रोजगार सेवा केन्द्रका १ हजार ५०६ स्थानीय कर्मचारीलाई तालिम दिने भएको छ ।
परियोजना तर्जुमा तथा व्यवस्थापन बारेमा १ दिनको क्षमता अभीबृदि प्रशिक्षण गरिने भएको हो । प्रधानमन्त्री रोजगार कार्यक्रममा बेरोजगारहरुलाई रोजगार पाउनका लागि परियोजना र कार्यक्रमहरुको विकासमा कार्यरत रहेको छ । यो कार्यmम सफल पार्न ७५३ स्थानीय स्तरमा १ रोजगार संयोजक र १ प्राविधिक सहयोगी कार्यरत छन् ।
कार्यक्रमले आईएलओको सहकार्यमा रोजगार सेवा केन्द्रका कर्मचारीहरुलाई प्रोजेक्ट साइकल व्यवस्थापनमा सम्बन्धि क्षमता अभीबृदि तालिम कार्यक्रमको आयोजना गर्न लागेको जनाएको छ । कार्यक्रमका कार्यान्वयनका लागि ग्लोकल प्रा लीले इलर्निङ प्लेटफर्म मार्फत कर्मचारीहरुलाई तालिम दिने जनाएको छ ।
बेरोजगारलाई रोजगारी दिन रोजगार संयोजक र प्रत्येक प्राविधिक सहयोगीले ७५३ स्थानीय स्तरमा ठूलो परियोजना सञ्चालन गरिरहेका छन् । ७५३ रोजगार सेवा केन्द्रहरुका स्थानीय कर्मचारीहरुलाई परिणाममा आधारित व्यवस्थापन आधारभूतहरू, र संचारको सिद्धान्तहरूबारे तालिम दिने लक्ष्यका साथ, ग्लोकलले कुल १५०६ जना कर्मचारीहरुलाई दैनिक ४ समुहमा बिभाजन गरी १० दिन सम्म तालिम सन्चालन गर्नेछ ।
वि.सं.२०७८ साउन ४ सोमवार १२:४५ मा प्रकाशित