काठमाडौं । अहिले उपत्यका भित्र र बाहिर गरी १२ हजार ३०६ अक्सिजन सिलिण्डर उत्पादन भइरहेको छ ।
उद्योग वाणिज्य तथा आपूर्ति मन्त्रालयका अनुसार उपत्यकामा ५ हजार २७१ र उपत्यका बाहिर ७ हजार ३५ वटा सिलिण्डर उत्पादन भइरहेको छ ।
मन्त्रालयका अनुसार अहिले देशभर सबै अक्सिजन उद्योगहरु सञ्चालनमा रहेका र अक्सिजनको आपूर्ति सामान्य अवस्थामा रहेको जनाएको छ । यसले गर्दा कोरोनाको तेस्रो लहर आएको खण्डमा त्यसलाई व्यवस्थापन गर्न सजिलो हुने बताइएको छ ।
यता अर्थ मन्त्रालयका अनुसार अहिलेसम्म कोरोना रोकथाम, नियन्त्रण तथा उपचारका लागि ४४ हजार ३२९ थान विभिन्न मेडिकल उपकरण आयात गरिएको छ ।
प्रधानमन्त्री शेरबहादुर देउवाले स्वास्थ्य तथा जनसंख्या मन्त्रालयका अधिकारहरुसँग कोरोना परीक्षण, उपचारका सन्दर्भमा अक्सिजनको अवस्था, तेस्रो लहर विरुद्ध तयारी तथा खोप अभियानलाई चुस्त र व्यवस्थित गर्दै महामारीको कुनै कमी हुन नदिन निर्देशन दिनु भएको छ ।
वि.सं.२०७८ साउन ४ सोमवार १३:२९ मा प्रकाशित
