काठमाडौं । प्रुडेन्सियल क्यापिटल म्यानेजमेन्ट कम्पनीको स्वामित्वमा रहका चार कम्पनीको संस्थापक सेयर आजदेखि लिलामीमा बिक्री खुला भएको छ ।
कम्पनीको स्वामित्वमा रहेका प्रभु बैंक, नेशनल लाइफ इन्स्योरेन्स, नेपाल ग्रामिण विकास लघुवित्त वित्तीय सस्था र प्राइम कमर्शियल बैंकको संस्थापक लिलामीमा ल्याएको हो ।
जसमध्ये न्युनतम मुल्य २६३ रुपैयाँ रहेको प्रभु बैंकको ५० हजार कित्ता, न्युनतम मूल्य ५ सय रुपैयाँ रहेको नेशनल लाइफको १ लाख कित्ता, न्युनतम मूल्य ५ सय रुपैयाँ तोकिएको नेपाल ग्रामिण विकास लघुवित्तको ३५ हजार कित्ता र न्युनतम मूल्य २५३ रुपैयाँ रहेको प्राइम बैंकको ७० हजार कित्ता संस्थापक सेयर लिलामीमा ल्याएको छ ।
यी चार वटै कम्पनीको सेयर खरिद गर्दा न्युनतम ५ हजार कित्ताका लागि र अधिकतम सम्पूर्ण कित्ताका लागि आवेदन दिन सकिने कम्पनीले जनाएको छ ।
कम्पनीले यसअघि असार ११ गतेदेखि १८ गतेसम्म लिलामीमा बिक्री गर्दा वितरण हुन नसकेको उक्त सेयर पुनः लिलामीमा बिक्री गर्न लागेको हो ।
बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ साउन ५ मंगलवार १२:३५ मा प्रकाशित