काठमाडौं । नेपालमा पछिल्लो २४ घण्टाको अवधिमा थप २ हजार ८३८ जना कोरोना संक्रमित थपिएका छन् । उक्त अवधिमा पीसीआर परीक्षणबाट १ हजार ९१८ र एन्टिजेन परीक्षणबाट ९३१ जना संक्रमित थपिएका हुन् ।
स्वास्थ्य तथा जनसंख्या मन्त्रालयका अनुसार ८ हजार ७१५ पीसीआर ३ हजार ९०१ एन्टिजेन परीक्षण गरिएको थियो । २४ घण्टाको अवधिमा थप १ हजार ४७५ जना कोरोना संक्रमणमुक्त भएका छन् ।
योसंगै नेपालमा कोरोना निको हुनेका संख्या ६ लाख ३६ हजार ४०२ पुगेको मन्त्रालयले जनाएको छ । यस्तै, पछिल्लो २४ घण्टामा कोरोना संक्रमणबाट थप ३० जनाको मृत्यु भएको छ । हालसम्म नेपालमा कोरोनाका कारण ९ हजार ६३७ जनाले ज्यान गुमाएका छन् ।
मन्त्रालयका अनुसार नेपालमा कुल कोरोना संक्रमितको संख्या ६ लाख ७२ हजार ८७१ पुगेको छ । यीमध्ये २६ हजार ८३२ सक्रिय संक्रमित छन् ।
वि.सं.२०७८ साउन ६ बुधवार १७:४२ मा प्रकाशित
