काठमाडौं । भोलि शुक्रबार प्रिमियर इन्स्योरेन्स कम्पनी (नेपाल) संस्थापक समूहको लिलामी सेयरमा आवेदन दिने अन्तिम दिन रहेको छ ।
कम्पनीको संस्थापक समूहको ५ लाख ४८ हजार २५ कित्ता लिलामीमा सेयर भोलि बैंकिङ समयमसम्म आवेदन दिन सकिने छ । उक्त सेयरको प्रतिकित्ता न्यूनतम मूल्य ५५० रुपैयाँ तोकिएको छ ।
सेयर खरिद गर्न योग्य इच्छुक विद्यमान संस्थापहरुले वा जो कोही व्यक्ति, कम्पनी, संघ/संस्थाले आवेदन दिन सक्ने छन् । सेयर खरिदका लािग तोकिएको न्यूनतम मूल्य वा उक्त मूल्य भन्दा बढी अंकित गरी आवेदन पेश गर्नुपर्ने छ ।
सेयर खरिद गर्दा न्यूनतम ५ सय कित्ताका लागि आवेदन दिनुपर्ने छ भने अधिकतम सेयर सख्याका लागि कुनै हद नलाग्ने कम्पनीले जनाएको छ । बिक्री प्रबन्धकमा एनआईसी एशिया क्यापिटल रहेको छ ।
विस्तृतका लागि हेर्नुहोस् सूचनाः
वि.सं.२०७८ साउन ७ बिहीवार १२:१७ मा प्रकाशित