काठमाडौं । बिहीबार सेयर बजारमा दोहोरो अंकको सुधार देखिएको छ । यो दिनको कारोबारमा कारोबार रकमले पनि निकै साथ दिएको छ । यो दिन बैंकिङ समूहमा लगानीकर्ता झुम्मिदा बजारमा दोहोरो अंकको सुधार देखिएको छ ।
बजार मापन गर्ने सूचक १८.७६ अंकले बढेर परिसूचक ३००४.३३ बिन्दुमा रोकिएको छ । २२२ कम्पनीको ५ करोड ५९ लाख ६४ हजार ६२ कित्ता सेयर ११ अर्ब ११ करोड ४१ लाख २१ हजार ६१५ रुपैयाँको सेयर किनबेच भएको छ ।
कारोबारमा अधिकांश समूहको उपसूचकमा गिरावट आउँदा बैंकिङ समूहको ३५.६४, जलविद्युत २४.६, फाइनान्स ३८.२५, निर्जीन बीमा समूहको उपसूचक ३८.७ अंकले बढेको छ ।
बिहीबारको कारोबारमा सबैभन्दा बढी कृषि विकास बैंकको सेयर कारोबार भएको छ । बैंकको ४६ करोड २७ लाख ६४ हजार ६४० रुपैयाँको सेयर किनबेच भएको छ । दोस्रो र तेस्रो स्थानमा नेपाल बैंक र एनआईसी एसिया बैंक रहेको छ ।
वि.सं.२०७८ साउन ७ बिहीवार १५:०४ मा प्रकाशित