काठमाडौं । मोलुङ हाइड्रोपावर कम्पनीले आईपीओ निष्काशन गर्ने भएको छ । कम्पनीले ३५ करोड ३१ लाख रुपैयाँ बराबरको आईपीओ निष्काशन गर्ने भएको हो ।
कम्पनीले सर्वसाधारण र आयोजना प्रभावित स्थानीय बासिन्दाका लागि ३५ लाख ३१ हजार कित्ता आईपीओ निष्काशनका लागि नियामक निकाय नेपाल धितोपत्र बोर्डमा निवेदन दिएको छ ।
उक्त आईपीओ निष्काशन गर्नका लागि कम्पनीले साउन १ गते बोर्डमा निवेदन दिएको हो । आईपीओ निष्काशन तथा बिक्री प्रबन्धकमा सनराइज क्यापिटल लिमिटेड रहेको छ ।
वि.सं.२०७८ साउन ८ शुक्रवार १२:३४ मा प्रकाशित