काठमाडौं । बागमती प्रदेशको भौतिक पूर्वाधार विकास मन्त्रालयले अनलाइनबाटै ब्लुबुक नविकरण गर्न सकिने प्रणाली सार्वजनिक गरेको छ । यो सँगै ब्लुबुक नविकरण गर्न तथा कर तिर्न घन्टौ लाईन लाग्नुपर्ने युगको अन्त्य भएको छ ।
उक्त प्रणालीको बागमती प्रदेशका मुख्यमन्त्री डोरमणी पौडेल उदघाट्न गर्नुभएको छ । उद्घाटनका क्रममा मुख्यमन्त्री पौडेलले प्रदेश सरकारको आर्थिक स्रोतको मेरुदण्डको रुपमा यातायात क्षेत्र रहेको र अब यो क्षेत्रबाट उठने राजस्व झनै बढ्ने बताउनुभयो ।
यसअघि यो क्षेत्रलाई व्यवस्थित गर्न नसक्नदा, सेवाग्राहीले अनावश्यक झन्झट व्यहोर्नुपर्दा लामो समय कर तिर्न नसकेको र राजस्व संकलन हुन नसकेको बताउनुभयो । उहाँले यसअघि सेवाग्राहीले धेरै नै समस्या भोग्नु परेको र अब त्यस्तो समस्याको अन्त्य भएको धारणा राख्नुभयो । त्यसैको लागि अनलाइन प्रणालीको सुरु गरेको बताउनुभयो । अब १० औं वर्षसम्म कर नतिर्नेले पनि सहजै कर तिर्ने र प्रदेशले पाउने राजस्व पनि बढने, तथा सेवाग्राहीले बिहानै देखि लाइनमा बस्नुपर्ने युगको अन्त्य पनि भएको जानकारी गराउनुभयो ।
प्रदेशको लागि प्रविधिको क्षेत्रमा नयाँ क्रान्ति काम भएको र यसको कार्यान्वयन पनि चुनौती पूर्ण हुनसक्ने हुन सक्ने धारणा राख्नुभयो । यो अभियानलाई असफल बनाउन चलखेल हुनसक्ने भन्दै त्यसतर्फ ध्यान दिन समेत आग्रह गर्नुभयो । अनलाइन प्रणालीको सुरु भएसँगै धेरै विरोधको स्वर आएका भएपनि सेवाग्राहीले पाउने सेवालाई सहज बनाउने तर्फ सरकार लाग्ने र सोही अनुरुप काम गर्न मातहतका निकायलाई आग्रह गर्नुभयो ।
अब सरकारको राजस्व बढने र यसको लागि कर्मचारीको साथै यातायात व्यवसायीको पनि सहयोग आवश्यक रहेको बताउनुभयो ।
अब बागमती प्रदेशलाई डिजिटल रुपमा विकास गर्ने क्रम सुरु भएको भन्दै सबैभन्दा प्रभावित पर्ने क्षेत्रमा यो कामको सुरु भएको बताउनुभयो ।
यो सँगै अब दैनिक रुपमा कति राजस्व उठयो भन्ने थाहा पाउन सक्ने बताउनुभयो । आन्तरिक राजस्वको ५० प्रतिशत हिस्सा यातायातको क्षेत्रले ओगटे गरेको भन्दै यसलाई कार्यान्वयन गरेको खण्डमा राजस्व धेरै नै बढने बताउनुभयो । अब घरमा नै बसेर काम गर्न सकिने भएको कारण यो निकै प्रभावकारी काम भएको र आगामी दिनमा पनि प्रदेशलाई डिजिटल प्रदेश बनाउन तर्फ लाग्ने धारणा राख्नुभयो ।
कार्यक्रममा उहाँले भौतिक पूर्वाधारको क्षेत्रमा नयाँ क्रान्ति सुरु गरेको र अब इन्धन भएको साधन भन्दा पनि विद्युतीय बस सुरु गर्ने र त्यसको लागि टेन्डर भएको र केही समयमा नै सुरु गर्ने बताउनुभयो ।
वि.सं.२०७८ साउन ८ शुक्रवार १३:३४ मा प्रकाशित
