काठमाडौं । हाइड्रोइलेक्ट्रीसिटी इन्भेष्टमेण्ट एण्ड डेभलपमेण्ट कम्पनी(एचआईडीसीएल) ले शतप्रतिशत हकप्रद सेयर निष्कासन तथा बिक्री खुला गरेको छ ।
कम्पनीले साउन ५ गतेदेखि प्रतिकित्ता १ सय रुपैयाँ निर्धारण गरि ११ अर्ब रुपैयाँ बराबरको ११ करोड कित्ता हकप्रद सेयर बिक्री खुला गरेको हो ।
उक्त हकप्रदमा योग्य आवेदकहरुले साउन २५ गते बैंकिङ्ग समयसम्म आफ्नो हक बमोजिममको सेयर खरीदका लागि आवेदन दिन सकिने कम्पनीले जनाएको छ ।
कम्पनीले शतप्रतिशत हकप्रद सेयर प्रयोजनका लागि जेठ २८ गते एक दिन बुक क्लोज थियो । त्यसकारण जेठ २७ गतेसम्म कायम सेयरधनीहरुले मात्र उक्त सेयर खरिदका लागि आवेदन दिन सक्नेछन् ।
बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
वि.सं.२०७८ साउन ८ शुक्रवार १४:०९ मा प्रकाशित