काठमाडौं । बीमा कम्पनीहरुले भने अनुसार दाबी भुक्तानी नगर्ने, समयमा नै दाबी भुक्तानी नगर्ने गरेका कारण बीमा समितिमा पर्ने उजुरीको चाङ दैनिक बढिरहेको छ ।
बीमा समितिमा उजुरीको चाङ लाग्दै जाँदा र बीमा समिति आफैमा न्याय निरुपण गर्ने अर्धन्यायिक निकाय भएकोले उजुरीका फैसला गर्ने गरेको छ । तर प्रभावकारी रुपमा भने हुन नसकेको देखिएको छ ।
बीमा समितिका अनुसार गत आर्थिक वर्ष २०७७-७८ मा १३७ वटा मुद्दा दर्ता भएका छन् । यस्तै आर्थिक वर्ष २०७६-७७ मा फैसला हुनुपर्ने तर हुन नसकेका १३६ वटा मुद्दा गत आवमा सरेका थिए । दुई आर्थिक वर्षमा समितिमा २७३ वटा मुद्दा दर्ता भएकोमा ९३ वटा मुद्दाको मात्रै फैसला भएर पीडितले न्याय पाएका छैनन् । गत आवमा पनि १८० वटा मुद्दा फैसला हुन सकेका छैनन् ।
बीमा समितिमा परेका मुद्दाको फैसला हुनको लागि बोर्ड बैठक बस्नैपर्छ । बैठक नबस्दा पनि समयमा नै मुद्दाको फैसला हुन नसकेको बताइएको छ । चार आर्थिक वर्ष यता हेर्ने हो भने गत आवको सबैभन्दा बढी मुद्दा बीमा समितिमा परेको हो ।
आर्थिक वर्ष २०७४-७५ मा ३९ र त्यो भन्दा अघिल्लो आवको ७७ सहित ११६ वटा मुद्दा परेकोमा २६ वटा मुद्दाको मात्रै फैसला मात्रै भएको थियो । उक्त आवमा ७ वटा मुद्दा तामेलिमा राखिको थियो भने ८३ वटा मुद्दाको फैसाल हुन सकेको थिएन । त्यो मुद्दा पुन आर्थिक वर्ष २०७५-७६ मा मा सारियो ।
उक्त आवमा पुरानो ८३ सहित १०० वटा मुद्दा दर्ता भएका थिए । उक्त आवमा ८५ वटा मुद्दा फैसला भएको थियो भने १०१ वटा मुद्दाको सुनुवाइ गर्न समितिले सकेन । नसकेपछि उक्त आवमा रहेका उजुरीलाई आर्थिक वर्ष २०७६÷७७ मा सार्यो । त्यस आवमा १२६ वटा मुद्दा परेका थिए । दुवै आवका २२९ वटा मुद्दामा ९१ वटाको फैसला भएको थियो । उक्त आवमाा १३६ वटाको सुनुवाइ हुन नसक्दा बीमितले न्याय पाउन सकेका छैनन् ।
बीमा समितिका अनुसार पछिल्लो समयमा जीवन बीमा भन्दा निर्जीबन बीमा कम्पनीको उजुरी बढी आउने गरेको छ । निर्जीबन बीमा कम्पनीले भने अनुसार दाबी भुक्तानी नगर्ने, समयमा नै दाबी भुक्तानी नगर्ने, चित्त बुझ्दो गरी दाबी भुक्तानी नगर्ने जस्तासहित बीमित बीमा समितिमा पुग्ने गरेका छन् । तर बीमा समितिले भने धेरै वर्षदेखी समयमा नै मुद्दाको किनारा लगाउन नसक्दा बीमितमा निरासा बढेको जानकारहरुको भनाई छ ।
वि.सं.२०७८ साउन १२ मंगलवार १३:३४ मा प्रकाशित
