काठमाडौं । आजदेखि नेशनल माइक्रोफाइनान्स लघुवित्त वित्तीय संस्थाको संस्थापक सेयर लिलामीमा बिक्री खुला भएको छ ।कम्पनीको ६५ हजार ७६० कित्ता संस्थापक सेयर आजदेखि लिलामीमा ल्याएको हो ।
उक्त सेयरको न्युनतम मूल्य १ हजार २२ रुपैयाँ तोकिएको छ । सेयर खरिद गर्न इच्छुक जो केही व्यक्ति, कम्पनी, संघ, संस्थाहरुले साउन ३१ गतेभित्र आवेदन दिन सक्नेछन् ।
आवेदन बिक्री प्रबन्धक आरविवि मर्चेन्ट बैंकिङ, टेकु काठमाडौंमा आईपुग्ने गरि आफूले खरिद गर्न चाहेको कित्ता र दर रेट उल्लेख गरि पेश गर्नु पर्नेछ ।
उक्त सेयर खरिदका लागि बोलकबोल तोकिएको न्युनतम मूल्य भन्दा बढी मूल्य अंकित गरि न्युनतम १ सय कित्ताका लागि र अधिकतम सम्पूर्ण कित्ताका लागि आवेदन दिन सकिने कम्पनीले जनाएको छ ।
बिक्री प्रबन्धकमा आरिविवि मर्चेन्ट बैंकिङ लिमिटेड रहेको छ ।
वि.सं.२०७८ साउन १७ आइतवार १०:३३ मा प्रकाशित