काठमाडौं । सोमबार कारोबारको अन्तिम समयमा आएर सेयर बजारमा सामान्य सुधार देखिएको छ । पछिल्ला दिनमा लगानीकर्ता नाफा बुकगर्न तर्फ लाग्दा बजारमा सामान्य करेक्सन देखिएको छ ।
सोमबारको कारोबारलाई हेर्दा लगानीकर्ताको ध्यान बैंक र माइक्रोफाइनान्स तर्फ देखिएको छ । जसले गर्दा बजारमा केही सुधार देखिएको छ । सोमबार इन्ट्राडे कारोबारमा ३१०१.३ बिन्दुमा पुगेको बजार त्यसपछि क्रमैसँगे गिरावटको ट्रेन्डमा देखिएको थियो । कारोबारमा बजार मापन गर्ने सूचक ४.०६ अंकले बढेर ३०८५.०७ बिन्दुमा रोकिएको छ ।
कारोबारमा अधिकांश समूहको उपसूचकमा गिरावट आएको छ । तथापी बैंकिङ समूहको १.९१, वित्त कम्पनीको ९, उत्पादन तथा प्रशोधन समूहको ४१.८५, माइक्रोफाइनान्स समूहको उपसूचकमा १२४.९३ अंकको सुधार भने देखिएको छ ।
२२६ कम्पनीको २ करोड १८ लाख ९४ हजार २०९ कित्ता सेयर १० अर्ब ९८ करोड ३५ लाख ९९ हजार ९४ रुपैयाँको सेयर किनबेच भएको छ ।
वि.सं.२०७८ साउन १८ सोमवार १४:५८ मा प्रकाशित