काठमाडौं । नेपालमा पछिल्लो २४ घण्टाको अवधिमा थप ३ हजार १२५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १० हजार ६१३ जनाको आरटी पीसीआर र ३ हजार १९८ जनाको एन्टिजेन गरि कुल १३ हजार ८११ जनाको परीक्षण गरिएको थियो ।
पीसीआरबाट २ हजार २७९ र एन्टिजेनबाट ८४६ जनामा संक्रमण पुष्टि भएको मन्त्रालयले जनाएको छ । पछिल्लो २४ घण्टामा थप २३ जनाको मृत्यु भएको छ ।
मन्त्रालयका अनुसार थप १ हजार ९२५ जना कोरोना संक्रमणमुक्त भएका छन् । नेपालमा हालसम्म कोरोना संक्रमितको कुल संख्या ६ लाख ९९ हजार ६४९ पुगेको छ भने निको हुनेको संख्या ६ लाख ५८ हजार १२२ पुगेकोछ ।
मन्त्रालयका अनुसार ३१ हजार ६२९ संक्रिय संक्रमित रहेका छन् । कोरोनाका कारण नेपालमा हालसम्म ९ हजार ८९८ पुगेको छ ।
वि.सं.२०७८ साउन १८ सोमवार १७:१८ मा प्रकाशित
