भारतमा श्याओमी रेड्मी Note 3 दुई महिनामा ६ लाख एकाइ बिक्री भएको छ। श्याओमीका ग्लोबल भाइस प्रेसिडेन्ट ह्यूगो बार्राले फेसबुक पोस्टमा अहिलेसम्मकै ठूलो रेकर्ड भन्दै यसको घोषणा गरेका हुन्।
श्याओमी रेड्मी Note 3 भारतमा गत मार्चमा लन्च गरिएको हो। नेपाली बजारमा पनि यसलाई वत्सल इम्पेक्स प्रालिले भित्र्याइसकेको छ। यसको मूल्य २५ हजार रुपैयाँ छ।
रेड्मी Note 3 मा ५।५ इन्च फुल एचडी डिस्प्ले छ जसले १०८०×१९२० पीक्सेल रिजोलुशन दिन्छ। यसमा १.८ जीएचजेड हेक्जाकोर, स्न्यापड्र्यागन ६५० प्रोसेसर छ। २ जीबी र्याम भएको यस फोनमा १६ जीबी इन्टरनल मेमोरी भने १२८ जीबीसम्मको मेमोरी कार्ड प्रयोग गर्न सकिन्छ।
फोनमा फिङ्गरप्रिन्ट सेन्सरको सुविधा छ। यस सेन्सरले ०.३ सेकेन्ड भित्रै प्रतिक्रिया दिन्छ र कुनै समस्या बिना नै सेन्सरले निकै चाँडो काम गर्ने कम्पनीले जनाएको छ। फोनमा दुईवटा सिम कार्ड प्रयोग गर्न सकिन्छ। दुवै सिममा ४जी प्रयोग गर्न सकिन्छ।
रेड्मी नोट ३ को मोटाइ ८।७ मिमि छ। मेटल बडी भएता पनि यो भारी छैन। यसको वजन मात्र १६४ ग्राम छ।
प्रकाशितः २०७३ जेठ ५
वि.सं.२०७३ जेठ ५ बुधवार १४:४० मा प्रकाशित
