काठमाण्डौं । सुनचाँदीको मूल्य ४० दिनयताकै उच्च विन्दुमा पुगेको छ। बुधबार नेपाल सुनचाँदी व्यवसायी महासंघले सुनको मूल्य प्रतितोला ५६ हजार ६ सय रुपैयाँ निर्धारण गरेको छ।
यो वैशाख २० गतेयताकै सबैभन्दा महँगो मूल्य हो। वैशाख २० गते ५६ हजार ७ सय रुपैयाँ पुगेको सुन यो अवधिको बीचमा जेठ १७ गते ५४ हजार रुपैयाँसम्म झरेर कारोबार भएको थियो।
यसअघि मंगलबार पनि ५६ हजार ६ सय रुपैयाँ प्रतितोलामा सुन कारोबार भएको थियो।
त्यस्तै चाँदी पनि ४० दिनयताकै महँगो भएको छ। बुधबार चाँदीको मूल्य प्रतितोला ७ सय ९५ रुपैयाँ निर्धारण भएको छ। यसअघि गत वैशाख २१ गते प्रतितोला ८ सय रुपैयाँमा चाँदीको कारोबार भएको थियो।
प्रकाशितः २०७३ असार १
वि.सं.२०७३ असार १ बुधवार ११:४३ मा प्रकाशित
