काठमाडौ । २०७३ सालको अन्तिम दिन बिहिबार लगानीकर्तालाई खुसी दिन सकेन । नेप्से परिसूचक १७ सय अंकबाट तल ओर्लिएको छ । बिहिबार परिसूचक ५ दशमलव ९४ अंकले झरेर १६९७ दशमलव १३ अंकमा झरेको छ । यस्तै क वर्गका परिसूचकहरुको मापन गर्ने सेन्सेटिभ इन्डेक्स पनि १ दशमलव ४९ अंकले झरेको छ ।
बजारको अधिकाँश हिस्सा कायम गर्ने बाणिज्य बैंक समूहको परिसूचक १० दशमलव ७२ अंकले ओरालो लागेपछि बजार प्रभावित भएको हो । बिहिबार होटल्स, हाईड्रो, फाईनान्स, उत्पादन र अन्य समूहमा क्रमशः५.३३,२२.०७,३.८,२.७६ र ४.०५ अंकको गिरावट देखियो । बिहिबार विकास बैंक र बीमा समूहको परिसूचक क्रमश ०.६९ र ६४.४८ अंकले बढ्यो ।
बिहिबार १४३ कम्पनीका ९ हजार ६१८ कारोबारबाट २१ लाख ३३ हजार ४१६ कारोबारबाट १ अर्ब ४८ करोड ७६ लाख रुपैंयाभन्दा बढिको सेयर कारोबार भएको छ ।
प्रकाशित मिति २०७३ चैत ३१
वि.सं.२०७३ चैत ३१ बिहीवार १५:५६ मा प्रकाशित