काठमाडौ । प्रुडेन्सियल इन्स्योरेन्स कम्पनीले निष्कासन गरेको १२ करोड ८३ लाख मुल्य बराबरको ३० प्रतिशत हकप्रद सेयरमा आवेदन खुलेको छ । कम्पनीले १० बराबर ३ अनुपातमा एक सय रूपैयाँ अंकित दरको १२ लाख ८३ हजार कित्ता हकप्रद सेयर निष्कासन गरेकोे हो ।
हाल कम्पनीको चुक्ता पूँजी ४२ करोड ७६ लाख ८० हजार रहेको छ । ३० प्रतिशत हकप्रद निष्कासन पश्चात कम्पनीको चुक्ता पुँजी ५५ करोड ५९ लाख ८४ हजार रुपैयाँ पुग्नेछ ।
हकप्रद सेयर विक्री गर्न कम्पनीले एनआईसी एशिया क्यापिटललाई विक्री प्रबन्धक नियुक्त गरेको छ । हकप्रदमा आस्वा सदस्यमा सहभागि रहेका सम्पुर्ण बैंक तथा वित्तीय संस्थाबाट आवेदन गर्न सकिनेछ ।
कम्पनीको हकप्रद सेयरमा पुष १६ गतेदेखि माघ २१ गतेसम्म आवेदन गर्नै सकिनेछ । हकप्रद जारी गर्न इन्स्योरेन्स कम्पनीले मंसिर १५ गते सेयरधनी किताब बन्द गरेकाले मंसिर १४ गतेसम्म कायम कम्पनीका सेयरधनीले हकप्रदमा आवेदन गर्न पाउनेछन् ।
साथै सेयरधनीले विक्री प्रबन्धकको कार्यालय बबरमहल, र प्रुडेन्सियल इन्स्योरेन्स कम्पनीका केन्द्रीय तथा सम्पूर्ण शाखा कार्यालयबाट हकप्रदमा आवेदन गर्न सकिनेछ ।
मंसिर १ गते शुक्रबार सम्पन्न कम्पनीको १६औं वार्षिक साधारणले चुक्ता पूँजी ४२ करोड ७६ लाख ८० हजार रूपैयाँको २० प्रतिशत बोनस सेयर पारित गरेको छ । बोनस पूँजीकरण गर्दा ६४ करोड १५ लाख रुपैयाँ चुक्ता पूँजी नाघ्नेछ ।
बीमा समितिको निर्देशन अनुरुप ३५ करोड ८५ लाख रुपैयाँ पूँजी वृद्धि गरि २०७५ असार मसान्तसम्म कम्पनीले एक अर्ब रुपैयाँ कायम गर्नुपर्नेछ ।
२०७४ पुष १६ गते प्रकाशित
वि.सं.२०७४ पुस १६ आइतवार १०:३५ मा प्रकाशित
