काठमाडौ । बुधबारको सेयरबजार परिसूचक नेप्से सामान्य अंकले बढेको छ । बुधबार नेप्से २.५५ अंकले बढेर १५८७.५६ विन्दुमा पुगेको छ । कारोबारमा आएका अधिकांस समूहमा गिरावट आएपनि वाणिज्य बैंक, विकास बैंक र बीमा समूह सकारात्मक रहेपछि बजार सामान्य बढेको हो ।
सेयर बजारमा ६४ करोड २ लाख रुपैंयाभन्दा बढीको सेयर कारोबार भएको छ । सो दिन १५२ कम्पनीको ३५ लाख ९७ हजार कित्ता सेयर किनबेच भएको छ ।
बजारमा चार वटा कम्पनीको सेयर मूल्य करिब १० प्रतिशत हाराहारीमै बढेको छ । यसदिन फर्वाड कम्यूनिटी माइक्रोफाइनान्स वित्तीय संस्थाको ९.९९, अरुण फाइनान्सको ९.७९, कर्नाली डेभलपमेन्ट बैंकको ९.७२ र कुबेर मर्चेन्ट फाइनान्स लिमिटेडको ९.६५ प्रतिशतले सेयर मूल्य बढेको छ ।
प्रकाशित मितिः२०७४ असार २३
वि.सं.२०७४ असार २८ बुधवार १७:२९ मा प्रकाशित
