काठमाडौ । सञ्चालनमा रहेका ५ बैंक तथा वित्तीय संस्था र एक बिमा कम्पनीले आफ्ना सेयरधनीका लागि बोनस सेयर जारी गर्ने भएका छन् । ती संस्थाले ७८ करोड ८८ लाख २९ हजार २ सय ७५ रुपैयाँबराबरको ७८ लाख ८८ हजार २ सय ९२ कित्ता बोनस सेयर दिन लागेका हुन् ।
सांग्रिला विकास बैंक, भगर्व विकास बैंक, सेती फाइनान्स लिमिटेड, जनउत्थान सामुदायिक लघुवित्त विकास बैंक, कालिका माइक्रो क्रेडिट विकास बैंक र नेपाल लाइफ इन्स्योरेन्स कम्पनीले बोनस सेयर जारी गर्दैछन् । सबै बैंक वित्तीय संस्था तथा बिमा कम्पनीको बोनस सेयर नेपाल धितोपत्र बोर्डबाट स्वीकृत भइसकेको छ । सांग्रिलाले १६.०७ प्रतिशत, भगर्वले २० प्रतिशत, सेती फाइनान्सले ९ प्रतिशत, जन उत्थान विकास बैंकले २० प्रतिशत, कालिकाले ६५ प्रतिशत र नेपाल लाइफले २४.८० प्रतिशत बोनस सेयर जारी गर्ने बोर्डले जानकारी दिएको छ ।
प्रकाशित मितिः २०७४ असोज ८
वि.सं.२०७४ असोज ८ आइतवार ०८:४७ मा प्रकाशित
