काठमाण्डौं । भूकम्पपीडितले एकमुष्ट रु २ लाख पाउनुपर्ने माग सहित संसद अबरुद्ध गर्दै आएको प्रतिपक्षी दल कांग्रेस र सत्तापक्षी दलबीच सहमति भएपछि अब भूकम्पपीडितले एक मुष्ट रुपमा पहिलो किस्तामै रु डेढ लाख पाउने भएका छन् ।
सत्तारुढ र प्रमुख प्रतिपक्षी दलवीच भूकम्प पीडितलाई पहिलो किस्तामा १ लाख ५० हजार रुपैयाँ दिने सहमति भएको छ । अब दोस्रो किस्ता ५० हजारको हुनेछ । सत्तारुढ र प्रतिपक्षी दलबीच आज बुधबार सहमति भएसँगै अब संसदको अवरोध हट्ने भएको छ ।
प्रधानमन्त्री केपी शर्मा ओलीले आज बुधबार संसदलाई सम्बोधन गर्दै भूकम्प पीडितलाई दिने रकमबारे जानकारी दिने सहमति भएको जनाइएकोछ । संसद अहिले २ बजेसम्मलाई स्थगित गरिएकोछ ।
१५ असार २०७३, १२।००
वि.सं.२०७३ असार १५ बुधवार १२:१७ मा प्रकाशित
