काठमाण्डौं । मनसुन सक्रिय भएर देशभर झरी पर्दा नदीको वहाव उच्च भएर बाढीको प्रकोप देखिँदै गर्दा, केही क्षेत्रहरु डुबानमा परिरहेको अवस्था र विभिन्न ठाउँमा पहिरो गइरहेको बेला गैरसरकारी संस्था इसिमोडले वर्षासँगै २० वटा हिमताल बिस्फोटन हुने एवं पहिरोले ठूलो क्षति पुर्याउन सक्ने चेतावनी दिएको छ ।
आज शुक्रबार राज्य व्यवस्था समितिलाई एक प्रतिवेदन बुझाउँदै इसिमोडले यस्तो चेतावनी दिएको हो । इसिमोडले हिमतालको अवस्था र पहाडी क्षेत्रमा पहिरोको जोखिमबारे कार्यपत्र प्रस्तुत गर्दै नेपालमा कुल २ हजार ३ सय २३ हिमताल रहेकामा २० वटा त्यस्ता ताल बिस्फोट हुनसक्ने चेतावनी दिएको छ ।
प्रतिवेदनको अध्ययनपछि समितिका सदस्यहरुले विपत व्यवस्थापनमा सरकार गम्भिर नभएको भन्दै आपत्ती जनाएका थिए ।
१७ असार २०७३, १।००
वि.सं.२०७३ असार १७ शुक्रवार १३:२५ मा प्रकाशित