काठमाडौं । एभरेष्ट बैंक लिमिटेडले ४५ करोड रुपैंया बराबरको र्फदर पब्लिक अफरिङ जारी गर्ने भएको छ । बैंकले चालु आर्थिक वर्षभित्रै उक्त रुपैंया बराबरको एफपीओ जारी गर्ने भएको हो ।
बैंकले पुँजी वृद्धि योजना सार्वजानिक गर्दै चुक्ता पुँजी बढाउनका लागि प्रिमियम मुल्यमा एफपीओ जारी गर्न लागेको हो । प्रिमियममा एफपिओ जारी गर्ने भनिएपनि कतिमा निष्काशन गर्ने भन्ने सन्दर्भमा नियामक निकायको छलफल पछि तय गरिने बैंकले जानकारी दिएको छ ।
त्यस्तै बैंकले फ्रि रिजर्भमा रहेको २ अर्ब ७७ करोड रुपैयाँलाई पुँजीकरण गर्ने र बैंकको नियमित नाफाबाट वार्षिक ७५ करोड रुपैयाँ पुँजीकरण गर्दै ०७४ असार मसान्तसम्ममा राष्ट्र बैंकले तोकेको चुक्ता पुँजी र्पुयाउने जनाएको छ ।
गत आर्थिक वर्षको मौद्रिक नीतिमार्फत् राष्ट्र बैंकले वाणिज्य बैंकहरुको न्यूनतम् चुक्ता पुँजी ८ अर्ब रुपैयाँ हुनुपर्ने घोषणा गरेको थियो । आर्थिक वर्ष २०७२/७३ को तेस्रो त्रैमासिक प्रतिवेदन अनुसार एभरेष्ट बैंकको चुक्ता पुँजी २ अर्ब ७४ करोड रुपैयाँ छ ।
प्रकाशितः २०७३ साउन २३
वि.सं.२०७३ साउन २३ आइतवार १३:४३ मा प्रकाशित
